Thank You Binod

Picture: Kaushal Adhikary

फिलीप ह्युजको सम्झनामा खेलिएको खेलको महत्व यसैपनि कम थिएन । शनिबारको त्यो खेलमा boundary भित्र पूर्वकप्तान विनोद दासको उपस्थिती मेरा लागि अझै बिशेष थियो। विनोदको अन्तिम खेल हेर्न म पहिलो पटक दर्शकको भिडमा बसेकी थिए। । दिनभरी पारिलो घाममा मैत्रीपूर्ण खेलको मज्जा लिइरहदा आँखा उसको हरेक क्रियाकलाप पछ्याइरहेका थिए भने मानसपटलमा उसँगै क्रिकेटमा विताएको एकदशक भन्दा लामो समय……

 किर्तिपुरको अन्तराष्ट्रीय क्रिकेट मैदान जहाँ माइकमै बोल्दा पनि एउटा भित्ताबाट अर्कोमा सुन्न मुस्किल पर्छ। त्यस्तोमा टड्कारै सुनिने एउटा आवाज हो विनोद दास । विनोदको तिखो आवाजले मलाइ अहिले पनि त्यत्तिकै अचम्मित बनाउछ जति मैले १२ बर्ष अगाडी सुन्दा बनाउथ्यो । सन् २००३ मा मैले स्कोररको रुपमा क्रिकेटमा साइनो गाँसे । बिनोद राष्ट्रिय क्रिकेट टिमको कप्तानका रुपमा उदयीमान हुदै थिए ।

 एसीसी यु-१९ मा कप्तानको रुपमा उनले पाएको सफलताका कारण उनलाइ कप्तान राजु खड्काको उत्तराधिकारीको रुपमा हेरिएको थियो । २००५ देखि २००८ सम्म उनी कप्तान रहे। यो स्मरणमा रहकै विषय हो । उनको नेतृत्वमा वर्तमान कप्तान पारस खड्का उप कप्तान ज्ञानेन्द्र मल्ल, शरद भेषावकर, वसन्त रेग्मी र शक्ति गौचन जस्ता क्लासिक क्रिकेटरले फल्ने फुल्ने अवसर पाए ।

 कप्तानीका साथमा विनोदले मिडियम पेस बलिङ्मा देखाएको उनको शैलीले छोटो इतिहास बोकेको नेपाली क्रिकेटमा छुट्टै आयाम थपेको छ । smooth running, line to line bowling र  physically fit.. विनोद जव बलिङ्मा आउथे लाग्थ्यो अव त विकेट पक्का आउछ । scorer को duty निभाइरहदा मैले देशभित्र भएका विनोदको राष्ट्रिय र अन्तराष्ट्रिय दुबै स्तरका प्रत्येक खेलालाइ नियाले होला । हरेक दिन उसले हरेक खेललाइ पहिलो म्याच जसरी खेल्यो । स्कोरर र रिपोर्टर दोहोरो भूमिकामा क्रिकेटरसँग नजिकीने अवसर पाएकी मैले बारा कलैयाका विनोदसँग बनाएको नाताको परिभाषा शायद मैसँग छैन ।

मैदानमा अलिकति गल्ती भयो की म उसलाइ गाली गर्ने बहाना पाउथे । उसको शतप्रतिशत लगावमा कहिलेकाँही हुने स्वभाविक गल्ति ठुला कुरा थिएनन् । तर आलोचनालाइ स्वागत गर्ने र सम्मान गर्ने उसको स्भावमा म अर्कै आनन्द महसुस गर्थे । त्यसैले होला comment गर्नुमा पनि छुट्टै मजा आउथ्यो ।

Picture : Kaushal Adhikary

 लगभग १२ बर्षको यो नातामा आजसम्म उस्तै न्यानोपनको आभाष छ । “खै मेरो दिदी खोइ त ?” अन्तिम खेलपछि मेरा साथिहरु विनोदसँग तस्विर लिइरहदा उ मलाइ खोजिरहेको थियो । पटक पटक आफ्नो जिवनको महत्वपूर्ण समयमा उसले मलाइ खोजेको छ । हरेक नयाँ काम सुरु गर्दा मलाइ सोधेको छ। प्रशिक्षकको बाटो रोज्दा आएका अप्ठ्याराहरु मसँग साटेको छ । शनिवार क्रिकेटरका रुपमा विनोदले विदा लिइरहदा उ मलाइ पटक पटक धन्यवाद दिइरहेको थियो । तर धन्यवाद त मैले दिनुपर्छ । Thank you Binod! तिमी र तिम्रो सिगो टिमले दिएको मायाले नै क्रिकेटमा मेरो लगाव बढाएको थियो । जुन आजसम्म उस्तै प्रगाढ छ । एउटा कुशल क्रिकेटरका साथमा good human being को रुपमा मैले तिम्रो परिचय बनाएको छु । प्रशिक्षकको रुपमा तिम्रो छवि अझै उज्वल रहोस ।